vicebskreg.by

Інфармацыйны партал

Сацыяльныя сеткі:

Навіны Віцебскага рэгіёну Здарэнні

01.03.2021 13:37

255 праглядаў

0 каментароў

З 1 сакавіка жанчын, якія выхоўваюць дзяцей, не могуць трымаць у міліцыі больш за тры гадзіны па «адміністрацыйцы»

З 1 сакавіка ўступіў у сілу новы Працэсуальна-выканаўчы кодэкс аб адміністрацыйных правапарушэннях (ПВКаАП). Важныя змены — міліцыя больш не зможа ўтрымліваць больш за 3 гадзіны маці непаўналетніх дзяцей, піша Tut.by.

Раней любога чалавека, якому ставіўся ў віну артыкул, па якім могуць пакараць адміністрацыйным арыштам або дэпартацыяй, маглі ўтрымліваць у ізалятары да 72 гадзін (далей альбо адпускалі, альбо справу разглядаў суд, які і вырашаў далейшы лёс чалавека).

Цяпер у ПВКаАП зафіксавана, што адміністрацыйнае затрыманне на тэрмін звыш трох гадзін не можа быць прыменена да:

— непаўналетніх, акрамя выпадкаў, калі за здзейсненае правапарушэнне пагражае дэпартацыя;

— цяжарных жанчын, інвалідаў I і II групы, жанчын і адзінокіх мужчын, якія маюць на ўтрыманні непаўналетніх дзяцей, асобаў, якія маюць на ўтрыманні інвалідаў I групы альбо ажыццяўляюць догляд старых, якія дасягнулі 80 гадоў, акрамя выпадкаў, калі за здзейсненае правапарушэнне пагражае дэпартацыя, а таксама калі названыя затрыманыя знаходзіліся ў грамадскім месцы ў стане ап'янення, чым абражалі чалавечую годнасць і грамадскую мараль, ці размова ідзе пра вайскоўцаў тэрміновай службы (іх перадаюць у вайсковую частку), або ў затрыманага ёсць прыкметы псіхічнага расстройства, якія могуць стварыць небяспеку (перадаюць у бальніцу), або затрыманы парушыў памежны рэжым у пункце пропуску.

Як і раней, не могуць быць затрыманыя па адміністрацыйнай справе асобы, які займае вышэйшую дзяржаўную пасаду, і асобы, пасады якіх уключаны ў кадравы рэестр кіраўніка дзяржавы, дэпутаты верхняй і ніжняй палат парламента, суддзі і народныя засядацелі (у перыяд выканання імі сваіх абавязкаў у судзе).
https://nn.by/?c=ar&i=269119

Апошнія навіны