vicebskreg.by

Информационный портал

Социальные сети:

Новости Витебского региона Политика

20.06.2020 06:53

73 просмотра

0 комментариев

Выбары-2020. Што адбывалася ў Менску і іншых гарадах 19 чэрвеня

Усё, што варта ведаць пра збор подпісаў, праграмы кандыдатаў, агітацыю, масавыя акцыі і рэпрэсіі падчас кампаніі выбараў прэзыдэнта Беларусі 9 жніўня 2020 году, якая адбываецца ва ўмовах пандэміі каранавірусу.


Затрыманьне на ланугу салідарнасьці

Коратка

  • Шостыя ў гісторыі сувэрэннай Беларусі выбары прэзыдэнта прызначылі на нядзелю, 9 жніўня 2020 году.
  • 65-гадовы Аляксандар Лукашэнка кіруе дзяржавай 25 гадоў. Ніводныя прэзыдэнцкія выбары (2001, 2006, 2010, 2015), апроч першых (1994), не прызналі свабоднымі і справядлівымі на міжнародным узроўні.
  • ЦВК зарэгістраваў 15 ініцыятыўных груп з 55, якія падалі заяўкі.
00:28

Праваабаронцы «Вясны» паведамляюць, што па стане на 12 ночы ім дакладна вядомыя прозьвішчы больш за 40 затрыманых у Менску, «і гэта далёка ня поўны сьпіс».

У Бабруйску затрымалі некалькі чалавек наўпрост каля РАУСу, куды тыя прыехалі чакаць іншых затрыманых.

Таксама праваабаронцам вядомыя некаторыя імёны затрыманых Наваполацку, Гомлі, Віцебску, Магілёве, Маладэчна. Поўны сьпіс затрыманых (тых, прозьвішчы каго вядомыя) «Вясна» публікуе тут (абнаўляецца).

Падзяліцца
23:5419.6.2020

БАБРУЙСК. Пасьля газгону акцыі і затрыманьняў людзі зноў выйшлі на вуліцу і сталі ў ланцуг.

Падзяліцца
23:4819.6.2020

У 23.42 у Менску адкрылі рух аўтатранспарту на ўсім працягу праспэкту Незалежнасьці і прылеглых да яго вуліц. Аўтамабілі, якія едуць тут, адразу ж пачалі сыгналіць.

Падзяліцца
23:4319.6.2020

Яшчэ адзін «ланцуг салідарнасьці» зьявіўся на праспэкце Пераможцаў у Менску.

Падзяліцца
23:4019.6.2020

МЕНСК: Міліцыя затрымала замежную грамадзянку

У Менску затрымалі грамадзянку Чэхіі Вераніку Кірушчанку, паведамляюць у ФБ яе сябры. Яна некалькі гадоў выкладала ў Менску чэскую мову, замужам за беларусам.

«Толькі што затрымалі Вераніку Кірушчанку, сьведкі кажуць яны яе з букетам васількоў на выхадзе з пешаходнага пераходу проста ўнесьлі ў бусік без нумароў. Гэта наогул як ?! Мы ішлі ўсе разам, кампаніяй дзяўчат, і раптам яна зьнікла. Што гэта такое?!!!!», — піша ў ФБ знаёмая Веранікі Арына Шапіра.

Затрыманьне чэшкі пацьвярджае іншая сьведка, Марыя Бяршадзкая: «Гэта наогул адбываецца імгненна, людзі ў цывільным проста выхопліваюць людзей з тых, хто шпацыруюць уздоўж праспекта. Вераніку павезлі ў Цэнтральны РАУС».

Падзяліцца
23:2519.6.2020

Сьпіс затрыманых у розных гарадах

Праваабарончы цэнтар «Вясна» складае сьпіс затрыманых па ўсёй Беларусі ў апошні дзень перадвыбарчых пікетаў па зборах подпісаў.

Падзяліцца
23:2519.6.2020

МЕНСК: У менскім мікрараёне Грушаўка пасьля жорсткага разгону АМАПу людзі зноў людзі выстраіліся ў «ланцуг салідарнасьці».

Падзяліцца
23:1819.6.2020

МЕНСК: Шмат людзей цяпер на праспэкце Незалежнасьці ў раёне Беларускага дзяржаўнага цырку. Людзі пляскаюць у далоні і скандуюць «Адпускай!»

Празь некалькі хвілінаў відавочцы паведамілі Свабодзе, што ў раёне цырку зноў пачалі затрымліваць людзей. У тэлеграм-канале Nexta зьявілася і відэа затрыманьня. Праваабаронцы «Вясны» паведамляюць, што каля цырку затрымалі каля 20 чалавек.

Падзяліцца
23:0119.6.2020

МЕНСК. У раёне плошчы Перамогі АМАП за абодвух бакоў разагнаў людзей. Яны ўтварылі з пачатку і канца моста празь Сьвіслач у раёне плошчы Перамогі «каробку», блякуючы і заціскаючы пратэстоўцаў з абодвух бакоў. АМАП затрымліваў людзей па адным і купкамі. Затрыманых пасадзілі ў аўтазакі і зьвезьлі.

Людзей каля плошчы Перамогі значна паменела, але, паводле карэспандэнта Свабоды, сытуацыя зьмяняецца літаральна кожныя дзесяць хвілінаў: як толькі АМАП зьяжджае, людзей становіцца болей – яны зноў вяртаюцца на праспэкт.

Падзяліцца
22:4819.6.2020

ГОМЕЛЬ. У Гомелі пасьля затрыманьняў людзей супрацоўнікі АМАП сышлі. Потым, з надыходжаньнем цемры, у раене цырку вырубілі асьвятленьне - ліхтары. Зноў зьявіўся АМАП і аўтазак.

Кадры затрыманьняў у Гомлі:

Падзяліцца
22:3619.6.2020

У Менску пачалася «зачыстка» на праспэкце Незалежнасьці ў раёне плошчы Перамогі. Туды прыехалі тры аўтазакі і мікрааўтобус з АМАПам і пачалі адціскаць людзей, якія тут сабраліся. Людзі скандуюць абразьлівы воклічы ў бок міліцыі. Пачаўся разгон і зачыстка. Некаторых найбольш актыўных людзей хапаюць і цягнуць у аўтазакі.

Падзяліцца
22:3319.6.2020

Затрыманьні на плошчы Якуба Коласа ў Менску

Каля 10-ай гадзіны вечара на плошчу Якуба Коласа ў Менску, дзе пасьля першай хвалі затрыманьняў зноў пачалі зьбірацца людзі, зноў пад'ехаў АМАП і стаў затрымліваць людзей. Плошчу Якуба Коласа цалкам «зачысьцілі» ад пратэстоўцаў.

Людзі ў цывільным таксама былі на плошчы Якуба Коласа пры затрыманьнях

Міліцыя перакрыла праспэкт у раёне плошчы Якуба Коласа, а АМАП не пакінуў на ёй нікога.

Падзяліцца
22:3119.6.2020

МЕНСК: АМАП разганяе стыхійны «ланцуг салідарнасьці» на Грушаўцы, у затрыманьні таксама ўдзельнічаюць праваахоўнікі ў цывільным.

Падзяліцца
22:2419.6.2020

МЕНСК: У раёне плошчы Перамогі ўдзельнікі акцыі спрабавалі адбіць затрыманага, паведамляюць відавочцы:

Падзяліцца
22:2119.6.2020

Менск

Асноўны рух цяпер адбываецца паміж плошчай Перамогі і ГУМам на праспэкце Незалежнасьці. Там больш за ўсё людзей.

Нехта стаіць, але збольшага людзі прагульваюцца па гэтым пэрымэтры. Гэта нагадвае «масавыя гуляньні» падчас ранейшых маўклівых акцый пратэсту.

Шмат хто выкрыквае «Жыве Беларусь» і «Стоп таракан», шмат людзей зь бел-чырвона-белымі сьцягамі.

Машыны, якія едуць па праспэкце Незалежнасьці, сыгналяць пратэстоўцам.

Падзяліцца
22:1419.6.2020

МЕНСК: Міліцыя і АМАП зьехалі ад цырку. Ад мэтро Перамогі да Кастрычніцкай выстройваецца новы ланцуг.

«Гэта цырк каля цырка», — кажуць мінакі пра спробы АМАПу выцесьніць людзей, што сабраліся на скрыжаваньні Купалы і праспэкту.

Паўгадзіны супрацоўнікі АМАПу спрабавалі разагнаць тых, хто сабраўся ў ланцуг салідарнасьці.

«Але яны не агрэсіўныя. Вось ціхары і людзі з камэрамі — яны кідаюцца на ўсіх запар».20

МЕНСК: У Менску зачыненыя станцыі мэтро «Акадэмія Навук», «Плошча Якуба Коласа» і «Плошча Перамогі». Станцыі «Кастрычніцкая» і «Купалаўская» працуюць на ўваход і перасадку. Людзі ўздоўж праспэкту Незалежнасьці ля цырка скандуюць «Адпускай!»

Падзяліцца
22:0819.6.2020

МЕНСК: Сьцяна АМАПУ ідзе ад Кастрычніцкай плошчы ў боку цырку.

22:0519.6.2020

МЕНСК: З Савецкага РАУС Менску выпусьцілі затрыманую журналістку Свабоды Аляксандру Дынько і відэаапэратара Свабоды. Таксама выпусьцілі журналістку «Белсату» Ірыну Арахоўскую.

Таксама вядома, што ў гэтым РАУС знаходзяцца «Эўрарадыё» Марыя Вайтовіч і Арцём Маёраў, а таксама ўкраінскі журналіст каналу 112, і відэаапэратар Reuters.

Падзяліцца
21:5719.6.2020

МЕНСК: Аўтобусы з танаваным шклом і зачыненымі форткамі едуць у бок Дому ўраду па праспэкце Незалежнасьці, паведаміў Свабодзе відавочца.

Відавочцы паведамляюць, што сілавікі толькі што цалкам «зачысьцілі» плошчу Якуба Коласа, дзе былі пратэстоўцы.

Падзяліцца

Последние новости