vicebskreg.by

Информационный портал

Социальные сети:

Новости Витебского региона Политика

19.11.2020 08:59

110 просмотров

0 комментариев

Кангрэс ЗША ўхваліў «Акт аб дэмакратыі, правах чалавека і суверэнітэце Беларусі»

Палата прадстаўнікоў Кангрэсу ЗША ўхваліла ў сераду законапраект "Аб суверэнітэце, правах чалавека і дэмакратыі ў Беларусі "(Belarus Democracy, Human Rights, and Sovereignty Act), які прадугледжвае магчымае ўвядзенне санкцый супраць расійскіх і беларускіх чыноўнікаў Саюзнай дзяржавы, якія маюць дачыненне да рэпрэсій, піша Тut.by.

Законапраект быў прадстаўлены кангрэсмэнам Крысам Смітам. Ён з'яўляецца адным з аўтарам актаў аб дэмакратыі ў Беларусі 2004, 2006 і 2011 гадоў.

Як адзначаецца ў тлумачэнні да дакумента, тым самым пашыраюцца «паўнамоцтвы прэзідэнта ЗША па ўвядзенні санкцый» у сувязі з выбарамі 2020 года ў Беларусі.

«Прэзідэнт ЗША можа ўвесці візавыя санкцыі супраць любога замежніка, які з'яўляецца сябрам Цэнтральнай выбарчай камісіі Беларусі ці ўдзельнічаў у маніпуляцыях на выбарах, або ў дачыненні да ўрадавай асобы, адказнай за пераслед незалежных СМІ, альбо прадстаўніка Саюзнай дзяржавы, альбо расійскага грамадзяніна, які прымаў значны ўдзел у пераследзе СМІ, парушэнні правоў чалавека датычна палітычных рэпрэсій у Беларусі», — гаворыцца ў тэксце.

Акрамя таго абноўлены Акт аб дэмакратыі ў Беларусі змяшчае наступныя палажэнні:

  • прызнае Каардынацыйны савет законным інстытутам для ўдзелу ў дыялогу аб мірнай перадачы ўлады і не прызнае Аляксандра Лукашэнку «законна абраным лідарам Беларусі»;
  • заклікае правесці новыя прэзідэнцкія і парламенцкія выбары ў свабоднай і справядлівай форме ў адпаведнасці са стандартамі АБСЕ;
  • заклікае вызваліць усіх палітычных зняволеных без усялякіх папярэдніх умоў;
  • падтрымлівае імкненне народа Беларусі да свабоды веравызнання;
  • дазваляе дапамогу ў прасоўванні дэмакратыі і грамадзянскай супольнасці ў Беларусі;
  • заяўляе, што ЗША не прызнаюць уключэння Беларусі ў Саюзную дзяржаву з Расеяй;
  • патрабуе ад Злучаных Штатаў стратэгіі па прасоўванні вяшчання, свабоды інтэрнэту і доступу да інфармацыі;
  • аказвае падтрымку беларускім СМІ і прадстаўнікам IT-сектара.

Ініцыятыва павінна таксама атрымаць ухваленне Сената, толькі пасля гэтага яна трапіць на подпіс прэзідэнту ЗША.
https://nashaniva.by/?c=ar&i=262619

Последние новости