У раку ў Віцебскім раёне трапіў гной з фермы — МНС запэўнівае, што мору рыбы няма

На першасных ачышчальных збудаваннях фермы адбыўся «размыў абвалавання чэка-назапашвальніка», удакладняе МНС. У выніку гнаявая жыжка трапіла ў меліярацыйны канал, а затым — у раку Суходроўку, пасля ў Лучосу і магчыма дасягнула Дзвіны.

Прарыў вала засыпалі, перацяканне ў меліярацыйны канал гнаявой жыжкі спынілася.

Колькі гною вылілася ў раку, не ўстаноўлена. Мору рыбы ў Суходроўцы не назіраецца, паведамляе МНС.

Спецыялісты абласнога камітэта прыродных рэсурсаў і аховы навакольнага асяроддзя ўзялі пробы вады для аналізаў. Іх вынікі будуць вядомыя толькі 10 ліпеня.

А.Адамаў

Comments are closed.