У краме «Еўраопт» Віцебска мужчына напаў на прадавачку з нажом

Пра выпадак паведамляе УУС Віцебскага аблвыканкама.

Невядомы мужчына з нажом і ў масцы ўварваўся ў адзін з віцебскіх «Еўраоптаў», дзе пагрозамі хацеў, каб касірка аддала яму грошы.

«Мужчына падышоў да адной з касірак, дастаў нож і пад яго пагрозай стаў патрабаваць грошы. Пасля таго, як супрацоўніца гандлёвага аб’екта адмовілася выканаць указанні злачынца, ён прыставіў да яе горла нож і зноў паўтарыў патрабаванне. Пасля паўторнай адмовы зламыснік уцёк з месца здарэння», — паведамляе міліцыя.

Цяпер злачынцу шукаюць і звяртаюцца да грамадзянаў з просбай паведаміць, калі яны пазналі злачынцу.